Chwilio ffurf

يّتّ سْتْي 37

سَاتّ كَنكِرَ، هْرْ مْلِنفِرَ تٍيبِلِ،

هْرْ مْلِنفِرَ لَنثُي، سُرَيِ سّرّشّبَدٍ

1بٍسَلٍلِ نَشَ كَنكِرَ يَءِلَن كَسِيَ وُرِ رَ. عَ كُيَ نْنفْن قِرِن نُن عَ تَفِ، عَ عِفبٌ نْنفْن كٍرٍن نُن عَ تَفِ، عَ عِتٍ نْنفْن كٍرٍن نُن عَ تَفِ. 2عَ نَشَ عَ كُي نُن عَ قَرِ مَسٌ شّيمَ رَ، عَ نَشَ عَ دّ كِرِ قَن يَءِلَن شّيمَ رَ. 3عَ نَشَ عَ سُشُدٍ دِفِلِنشِ نَانِ رَقَلَ شّيمَ رَ عَ تُنشُن نَانِيٍ مَ، قِرِن نَ سّيتِ، قِرِن نَ بٌورٍ سّيتِ مَ. 4عَ نَشَ كَسِيَ وُرِ قِرِن مَسٌلِ عَ بّ، عَ قَ عٍ مَسٌ شّيمَ رَ. 5عَ نَشَ عٍ رَ سٌ نَ كَنكِرَ سُشُدٍ دِفِلِنشِيٍ كُي، نٍيٍ قِندِ كَنكِرَ تٌنفٌسٍ رَ.

6عَ نَشَ نَ كَنكِرَ دّرَكٌتٍ يَءِلَن شّيمَ قَنيِ رَ، عَ قِندِ شُنسَرٍ يِرٍ رَ. عَ كُيَ نْنفْن قِرِن نُن عَ تَفِ، عَ عِفبٌ نْنفْن كٍرٍن نُن عَ تَفِ. 7عَ نَشَ مَلٍكّ سَوُرّ قِرِن يَءِلَن شّيمَ شَبُشِ رَ كَنكِرَ دّرَكٌتٍ قَرِ نَ سّيتِ قِرِنيِيٍ مَ. 8نَ مَلٍكّ سَوُرّيٍ نُن نَ كَنكِرَ دّرَكٌتٍ قِندِ كٍرٍن نَ. 9نَ مَلٍكّ سَوُرّ قِرِنيِيٍ نَشَ تِ عٍ بٌورٍ يَ عِ، عٍ فَبُتٍنيِيٍ عِتَلَشِ، عٍ شُن سِنشِ شُنسَرٍ يِرٍ.

10عَ نَشَ تٍيبِلِ يَءِلَن كَسِيَ وُرِ رَ، نَشَن كُيَ نْنفْن قِرِن، عَ عِفبٌ نْنفْن كٍرٍن، عَ عِتٍ نْنفْن كٍرٍن نُن عَ تَفِ. 11عَ نَشَ شّيمَ قَنيِ مَسٌ عَ مَ، عَ نُن عَ دّ كِرِيٍ مَ. 12عَ نَشَ شٍبٍنيِ ندٍ سَ نَ دّ كِرِيٍ بُن مَ، نَشَن عِفبٌ سُشُي كٍرٍن عَ نُن عَ تَفِ. عَ نَشَ شّيمَ سَ نَ قَن دّ كِرِيٍ مَ. 13عَ نَشَ عَ سُشُدٍ دِفِلِنشِ نَانِ رَقَلَ شّيمَ رَ عَ تُنشُن نَانِيٍ مَ، نَشٍيٍ عِلَنمَ عَ سَنيِيٍ رَ. 14عٍ نُ نَ نَ شٍبٍنيِ بُن مَ. وُرِ كُيٍيٍ نُ سٌمَ نٍيٍ كُي تٍيبِلِ شَنِنقٍ رَ. 15عَ نَشَ وُرِ كُيٍيٍ مَسٌلِ كَسِيَ وُرِ رَ، عَ عٍ مَسٌ شّيمَ رَ. نٍيٍ قِندِ تٍيبِلِ تٌنفٌسٍ رَ. 16ثِلٍتِيٍ، تْنبِلِيٍ، ثْوتِيٍ، نُن ثَانِ نَشٍيٍ سَمَ نَ تٍيبِلِ مَ، نَشٍيٍ رَوَلِمَ سّرّشّ يٍيرَ مَ دَاشِ شَ قٍ رَ، عَ نَشَ عٍ بِرِن يَءِلَن شّيمَ قَنيِ رَ.

17عَ نَشَ لَنثُي دْشْسٍ ندٍ يَءِلَن شّيمَ قَنيِ شَبُشِ رَ. عَ سَنيِ، عَ بِلِ، عَ سَلٌنيِيٍ، نُن لَنثُي دْشْدٍ نَشٍيٍ مَنِيَ سَنسِ قُفٍيٍ رَ، نَ بِرِن قِندِ كٍرٍن نَ. 18سَلٌن سٍننِ نَن مِنِ لَنثُي دْشْسٍ بِلِ مَ، سَشَن سّيتِ كٍرٍن، سَشَن بٌورٍ سّيتِ. 19تْنبِلِ سَشَن نَن لُ نَ سَلٌن سٍننِ بِرِن شُن مَ. عٍ مَنِيَ سَنسِ بٌفِ رَ نَشَن دْشْشِ عَ بُرّشّيٍٍ نُن عَ قُفٍيٍ تَفِ. 20تْنبِلِ نَانِ فبّتّ نَن لُ لَنثُي دْشْسٍ بِلِ مَ. عٍ قَن مَنِيَ سَنسِ بٌفِ رَ نَشَن دْشْشِ عَ بُرّشّيٍ نُن عَ قُفٍيٍ تَفِ. 21نَ سَلٌن قِرِن قِرِن دْشْ سَشَنيِيٍ بُن مَ نَشٍيٍ كٍلِشِ عَ بِلِ مَ، عَ سَ نّ مّننِ قَن مَ. 22نَ تْنبِلِيٍ نُن لَنثُي سَلٌنيِيٍ قِندِ كٍرٍن نَ، عٍ يَءِلَن شّيمَ قَنيِ شَبُشِ رَ.

23عَ نَشَ لَنثُي سٌلٌقٍرٍ يَءِلَن، عَ عٍ دْشْ عٍ دْشْدٍيٍ مَ عَلَكٌ عٍ دّشّ شَ يَرٍ عِيَلَن. 24شّيمَ نَشَن نَوَلِشِ لَنثُي دْشْسٍ نُن لَنثُي يِرَبَسٍ يَءِلَنقٍ رَ، نَ قِندِ شّيمَ كِلٌ تٌنفٌ سَشَن نُن نَانِ نَن نَ.

25عَ نَشَ سُرَيِ سّرّشّبَدٍ يَءِلَن كَسِيَ وُرِ رَ. عَ كُيَ نْنفْن كٍرٍن، عَ عِفبٌ نْنفْن كٍرٍن، عَ سّيتِ نَانِ بِرِن لَن، عَ عِتٍ نْنفْن قِرِن. قٍرِيٍ نَشَ لُ عَ تُشُييٍ رَ، عٍ نُن سّرّشّبَدٍ قِندِ سٍ كٍرٍن نَ. 26عَ نَشَ نَ سّرّشّبَدٍ بِرِن مَسٌ شّيمَ شِندٍ رَ، عَ قَرِ، عَ سّيتِيٍ، عَ قٍرِيٍ، نُن عَ دّ كِرِ. 27عَ نَشَ سُشُسٍ دِفِلِنشِ قِرِن يَءِلَن شّيمَ رَ سّرّشّبَدٍ سّيتِ قِرِنيِيٍ مَ، عَ دّ كِرِ لَبٍ رَ، وُرِ كُيٍيٍ سٌمَ نَشٍيٍ كُي عَ شَنِنقٍ رَ. 28عَ نَشَ نَ وُرِيٍ يَءِلَن كَسِيَ وُرِ رَ، عَ نَشَ شّيمَ مَسٌ عٍ مَ.

29عَ نَشَ تُرٍ سّنِيّنشِ نُن سُرَيِ شِرِ قَنيِ يَءِلَن نَشَن نَوَلِمَ سّرّشّدُبّ تِقٍ رَ. نَ وَلِ شَ رَبَ عَ قَنيِ رَ عَلْ لَبُندّ رَقَلّ عَ رَقَلَمَ كِ نَشّ.

سٌسٌ كِتَابُييٍ؛ تَوُرٍتَ، يَبُرَ، عِنيِلَ

© 2015—Mission Evangélique Reformée Néerlandaise et les Traducteurs Pionniers de la Bible

More Info | Version Index